01 / За нас
За Сашко
Поп-Ангелов
Jus est ars boni et aequi за било која друга адвокатска канцеларија можеби е само добар цитат, но за семејството Поп-Ангелов претставува вистина предадена од една генерација на друга. Адвокатската канцеларија Поп-Ангелов ги влече своите корени од 1972 година, кога беше основана од Наќо Поп-Ангелов, кој како високо почитуван јавен обвинител во Република Македонија, во текот на своите активни години како уважуван адвокат ги изгради темелите на адвокатската канцеларија. Високите морални и етички вредности на Наќо неминовно беа пренесени на неговиот син Сашко, кој достоинствено ја продолжи традицијата и во 2001 година ја реоснова адвокатската канцеларија Поп-Ангелов.
Адвокатската канцеларија претставува продолжение на семејното наследство, преку толкување на законот единствено како уметност на добрина и еднаквост . Адвокатската канцеларија Поп-Ангелов, предводена од Сашко, во изминатите две децении дава правни совети во граѓански и кривични спорови, со силен акцент на деловното, управно, трудово, семејно и облигационо право за домашните и странските субјекти во Република Северна Македонија; притоа, негувајќи силна професионална релација со голем број надворешни соработници, со цел да им обезбеди врвни правни совети на своите клиенти.
Jus est ars boni et aequi.
Законот е уметност на добрина и еднаквост.
02 / Области
Области
Управно право
Заштита на правата во управна постапка пред министерствата, државните институции, јавните установи и другите органи на државна управа. Застапување во постапки за вадење на дозволи за престој и одобренија за работа на странци во Република Северна Македонија. Поднесување на барања и застапување во постапки за вадење на уверенија, концесии, лиценци и други документи. Застапување во постапки по донесени решенија од страна на државните инспекциски органи и во постапки за заштита на слободите и правата загарантирани со Уставот. Застапување во царински постапки. Поведување и застапување во постапки пред Управниот суд и Вишиот управен суд во Република Северна Македонија.
Деловно право
Застапување во постапки за основање на домашни и странски правни лица, како и организациони промени во трговските друштва. Изготвување на сите внатрешни акти на правните лица. Застапување, советување и поддршка во деловното работење на домашни и странски правни лица и анализа на закони и прописи кои се од значење за трговските друштва. Застапување на правни лица во постапка за наплата на долгови произлезени од деловното работење на друштвата. Застапување во постапка и заштита на права од работен однос. Изготвување на секаков вид на договори, молби, барања и застапување во постапка за издавање на дозволи за работа и во постапки за јавни набавки.
Кривично право
Изготвување на правни мислења од областа на кривичното право. Застапување во пред-кривични постапки и обезбедување на присуство и застапување пред сите органи на прогонот. Подготвување на одбрана и застапување во кривична постапка пред судовите во Република Северна Македонија. Вршење на истражителни дејствија за кривично правни настани. Застапување во прекршочни постапки. Изготвување на редовни и вонредни правни лекови во кривичните постапки.
Граѓанско право
Застапување на домашни и странски физички и правни лица во граѓански спорови пред судовите во Република Северна Македонија. Изготвување на секаков вид на правни акти: поднесоци, приговори, тужби, редовнии вонредни правни лекови. Застапување во спорови за надомест на материјална и нематеријална штета. Застапување во спорови од семејно и наследно право. Изготвување на сите видови на договори. Застапување во постапка за обезбедување на побарувања и постапки за извршување.
03 / Услуги
Услуги
- Општи консултации и правни совети
- Анализи на закони и правни прописи
- Застапување во преговори и алтернативно решавање на конфликти и спорови
- Обезбедување на соработка со квалитетни преведувачи на сите светски јазици со цел да се одговори на потребите на странските клиенти
- Целосна правна помош на физички лица и друштва
- Застапување пред судовите и другите органи и институции
- Застапување и посредување во постапките по жалби пред Европскиот суд за човекови права
- Составување на договори и правни акти
04 / Клиенти
Клиенти
Наши клиенти се физички и правни лица, домашни и странски компании, дипломатски и конзуларни претставништва, производствени, градежни и транспортни компании, интернационални учишта и успешни бизнисмени. Листата на нашите клиенти не е достапна поради ограничувањата и рестрикциите наметнати од страна на Адвокатската Комора на С. Македонија.
05 / Контакт